• Orðrómur

Skelfingu lostinn ritstjóri Mogga boðar upplausn vegna Sósíalista: „Þetta er mikið ólíkindatal“

Helgarviðtalið

- Auglýsing -

Orðrómur

- Auglýsing -

Davíð Oddsson, ritstjóri Morgunblaðsins, fer mikinn í leiðara í dag þar sem hann varar við Sósíalistaflokknum og sérstaklega foringja hans, Gunnari Smára Egilssyni sem hefur upplýst um þau markmið að skipta upp Samherja og öðrum stórum sjávarútvegsfyrirtækjum.

„Langt er um liðið, margir áratugir og hátt í öld raunar, frá því að talað var með þeim hætti
sem foringi Sósíalistaflokksins gerir nú í kosningabaráttunni. Þetta er mikið ólíkindatal
og þess vegna óvíst að meining sé í raun á bak við það nema að litlu leyti, að minnsta kosti þegar horft er til þess hvað þessi flokksleiðtogi hefur tekið sér fyrir hendur á árum áður,“ skrifar Davíð.

Rétt er að lesa leiðara Morgunblaðsins í því ljósi að blaðið var og er í eigu fyrirtækja á borð við Samherja og auðkonunnar Guðbjargar Matthíasdóttur frá Vestmannaeyjum sem hefur dælt milljörðum króna inn í Morgunblaðið sem ber þess skýr merki að vera málgagn eigendanna. Ljóst er að Davíð er nánast skelfingu lostinn yfir stöðu Sósíalista og hugsanlegri útilokun Sjálfstæðisflokksins. „Óhætt er að segja að þetta sé ekki mjög gæfulegt og gæti þýtt meiri pólitíska upplausn á næsta kjörtímabili,“ skrifar Davíð.

Skoðanakannanir vekja gamla ritstjóranum hroll. Hann ber þess merki að vera skelfingu lostinn yfir því sem gæti gerst.

„Staðreyndin er sú að Sósíalistaflokkurinn mælist með nokkra menn á þingi í hverri
könnuninni á fætur annarri og gæti jafnvel komist í þá aðstöðu að hafa veruleg áhrif á stjórnarmyndun eða jafnvel að eiga aðild að ríkisstjórn, fari svo að hér kosningum loknum“.
Það fer líka fyrur brjóst ritstjórans að Gunnar Smári hafi boðað um þau áform að ryðja Hæstarétt. Hann telur að því megi ekki taka af léttúð.

„Þess vegna hafa margir eflaust tilhneigingu til að yppta öxlum eða jafnvel brosa þegar samsæriskenningarnar ná hámarki, svo sem um að dómstólar landsins séu í
höndunum á einhverri „gamalli valdaklíku“.

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -