Fyrirtækið Gleðipinnar varð fyrir skakkaföllum vegna Covid – en félagið rekur meðal annars Keiluhöllina, Hamborgarafabrikkuna, Aktu Taktu og Saffran.
Tekjur fyrirtækisins árið 2020 lækkuðu um 31 prósent: Tekjur þess námu rúmum einum milljarði króna í fyrra miðað við 1.7 milljarða árinu áður.
Félagið varð fyrir allverulegum skakkaföllum vegna heimsfaraldursins. Nam tap Gleðipinna 42 milljónum króna árið 2020; árið á undan var tæplega 40 milljón króna hagnaður af rekstrinum og lækkaði eigið fé félagsins um 42 prósent og var 58 milljónir króna í lok síðasta árs.
Þeir sem eiga Gleðipinna eru Guðríður María Jóhannesdóttir og Guðmundur Auðunn Auðunsson; eiga saman 50 prósent hlut – og Jóhannes „Simmi og Jói“ Ásbjörnsson á 39 prósent hlut í félaginu.