Snjóflóð féll á Hnífsdalsvegi

Hnífsdalsvegi hefur verið lokað vegna snjóflóðahættu. Staðan með opnun vegarins verður tekin í fyrramálið.

Samkvæmt tilkynningu frá lögreglunni á Vestfjörðum féll flóðið klukkan eitt í nótt. Er Hnífsdalsvegi lokað við Krók og Hnífsdal.

Áður hafði lögreglan lokað Flateyrarvegi en hættustigi var lýst þar yfir klukkan 10:00 í gærmorgun. Þá var veginum um Súðavíkurhlíð einnig lokað. Í tilkynningu lögreglu segir:

„Ekkert ferðaveður er á norðanverðum Vestfjörðum eins og sjá má á heimasíðu Vegagerðarinnar.“