María Ósk Sigurðardóttir lést 2. júlí, 43 ára að aldri.
María Ósk lætur eftir sig fjögur börn á aldrinum 12 til 26 ára, og tvö ömmubörn. Söfnunarreikningur hefur verið stofnaður til að styrkja ástvini Maríu Óskar á þessum erfiða tíma og standa undir kostnaði við útför hennar.
„Mæja var besta mamma í heimi og elskaði börnin sín óendanlega mikið,“ segir Gestný Rós Guðrúnardóttir, yngri systir Maríu Óskar. Hún segir að allt hafi verið fallegt við systur sína og hún hafi verið henni sem önnur móðir frá því Gestný Rós var lítil, en 11 ár eru á milli systranna. „Hjörtu okkar eru í molum,“ segir Gestný Rós um fráfall systur sinnar.
„María Ósk var mikill húmoristi og alltaf skemmtilegt að vera í kringum hana,“ segir Gestný Rós.
Gestný Rós vill einnig benda á að margir viti ekki alveg hvernig þeir eigi að haga sér gagnvart fjölskyldunni í sorg hennar. „Heimili mitt er opið fyrir alla okkar, bæði vini Maríu Óskar og mína vini og fjölskyldu okkar,“ segir Gestný Rós, sem minnist systur sinnar með ást og hlýju.
Þeir sem vilja styrkja börn Maríu Óskar geta lagt inn á neðangreindan reikning, sem er á nafni Gestnýjar Rósar:
Reikningur 0370-26-018860
Kennitala: 130487-3009
