Miðvikudagur 29. júní, 2022
14.8 C
Reykjavik

Sögukennari Fjölbrautar í Garðabæ sakar blaðamenn um glæp: „RÚV skipulagði byrlun og þjófnað“

Helgarviðtalið

- Auglýsing -

Orðrómur

- Auglýsing -

„RÚV skipulagði byrlun og þjófnað. Það eru alvarlegir glæpir. Yfirstjórn RÚV reynir núna að hindra framgang réttvísinnar. Það er líka glæpur,“ skrifar Páll Vilhjálmsson, sögukennari við Fjölbrautarskólann í Garðabæ, um símamál Páls Steingrímssonar, skipstjóra og skæruliða Samherja, sem skipulagði rógsherferð á hendur tilteknum fjölmiðlamönnum ásamt félögum sínum í svonefndri Skæruliðadeild. Pistillinn, sem ber yfir skriftina RÚV birti ekki fréttir, en framdi glæpinn, var birtur á vef Morgunblaðsins í dag.

Páll sögukennari hefur ritað fjölda greina um málið þar sem hann hefur rakalaust haldið því fram að skipstjóranum hafi verið byrlað eitur og síma hans stolið. Hann hefur þó ekki áður gengið svo langt fyrr að saka starfsfólk RÚV um að hafa byrlað nafna sínum eitur. Hann hefur aftur á móti haldið því ítrekað fram að eitrað hafi verið fyrir Páli af einhverjum nákomnum án þess að útskýra það nánar. Mannlíf bar það undir Pál skipstjóra hver hefði byrlað honum og hvort það snerist um skilnaðarmál en hann snéri út úr spurningunni og vildi ekki svara efnislega.

Páll Steingrímsson, skipstjóri og skæruliði Samherja.

„Páli var byrlað eitur kvöldið 3. maí. Aðfaranótt 4. maí var hann sendur með sjúkraflugi frá Akureyri á gjörgæslu í Reykjavík. Yfirstjórn RÚV vill fella niður lögreglurannsókn á glæpnum og beitir fyrir vagn sinn stjórnmálamönnum og fjölmiðlum,“ skrifar Páll sögukennari.

Páll vísar til þess aðStefán Eiríksson útvarpsstjóri og Heiðar Örn Sigurfinnsson fréttastjóri hafi sent frá sér yfirlýsingu til stuðnings sínu fólki.

„Stefán útvarpsstjóri og Heiðar fréttastjóri RÚV birta yfirlýsingu í gær um mikilvægi þess að fjölmiðlar fái óáreittir að birta fréttir. RÚV birti ekki fréttir úr stolnum einkagögnum Páls skipstjóra, það gerðu Kjarninn og Stundin. Verkskiptingin gekk út á að grunur félli ekki á RÚV ef upp kæmist að gögnin væru illa fengin. Þetta var varúðarráðstöfun,“ skrifar Páll.

Kristinn Þorsteinsson, skólameistari FG, umber óhróður starfsmanns síns og kvittar þannig upp á söguskýringar hans.

Kristinn Þorsteinsson, skólameistari Fjölbrautarskólans í Garðabæ, hefur sýnt sögukennara sínum stuðning. Páll fór mikinn á sínum tíma og sagði að Helgi Seljan fréttamaður væri geðveikur. Foreldrum nemenda skólans og öðru starfsfólki var ofboðið vegna fordómanna en Kristinn stóð með undirmann sínum. Óljóst er hvaða augum skólameistarinn lítur þá yfirlýsingu kennarans að starfsmenn RÚV hafi skipulagt að eitra fyrir Páli Steingrímssyni.

- Auglýsing -

Morgunblaðið hýsir skrif Páls Vilhjálmssonar og hefur gjarnan gert honum hátt undir höfði í skoðanadálkum sínum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -