Sólveig ræður fólk í hálft ár – „Fram­kvæmda­stjóri upp­lýs­ir stjórn um gang starfa“

„Störf allra starfs­manna sam­kvæmt nýj­um starfs­lýs­ing­um og skipu­lagi und­ir breytt­um ráðn­ing­ar­kjör­um hefj­ast eins fljótt og auðið er. All­ir nýir ráðn­ing­ar­samn­ing­ar verða tíma­bundn­ir til 6 mán­aða meðan látið er reyna á nýtt skipu­lag,“ segir á vef Eflingar. Ljóst er að nýjir starfs­menn koma til með að verða  ráðnir tíma­bundið. Líkt og fjallað hefur verið um sagði Sólveig Anna Jóns­dóttir, for­maður Eflingar, öllu starfs­fólki Eflingar upp í apríl síð­ast­liðnum. Mikil ólga hefur ríkt innan félags­ins í kjöl­farið en í yfir­lýs­ingu á vef félags­ins kemur fram að nýr fram­kvæmda­stjóri hafi það hlut­verk að fylgja eftir breyt­ingum.

„Störf voru aug­lýst um Páska­helg­ina og unnið verður að nýráðn­ing­um í sam­starfi við ráðn­ing­ar­stofu. Aug­lýst er staða fram­kvæmda­stjóra, en fram­kvæmda­stjóri fær í kjöl­farið það verk­efni að fylgja eft­ir þess­um breyt­ing­um og eft­ir at­vik­um gera aðlag­an­ir á þeim.“

„Fram­kvæmda­stjóri eða stað­geng­ill hans upp­lýs­ir stjórn í sam­ráði við for­mann um gang starfa og verk­efna und­ir nýju skipu­lagi. Vænta má að komi til frek­ari aðlag­ana.“