Sólveig var mjög tilfinninganæm í gær: „Var henni góður og elskaður félagi“

Sólveig Anna Jónsdóttir, formaður Eflingar, var mjög tilfininganæm í gærkvöldi þegar hún keyrði kisa, gæludýr móður hennar heitinnar, til nýs eiganda. Kötturinn er ýmist kallaður Spói eða Múlakoff.

Sólveig fjallar um tilfinningar sínar í gærkvöldi í færslu á Facebook þar sem hún birtir fallega mynd af móður sinni með köttinn. „Gleðilegar vetrarsólstöður; nú fer daginn að lengja og Jesúbarnið fæðist enn einu sinni í hjörtum okkar. Í gærkvöld fór ég með köttinn hennar mömmu á hans nýja heimili, hjá yndislegri vinkonu mömmu. Ég er búin passa kisa síðan mamma dó þegar sumri fór að halla. Hef farið og hleypt honum inn og út, gefið honum að borða, talað við hann og faðmað. Hann hefur þolað þetta allt saman af stökustu prúð-kattmennsku en er eflaust mjög feginn að fá aftur að tilheyra heimili og heimilislífi,“ segir Sólveig og bætir við:

„Kisi, kallaður ýmist Spói eða Múlakoff, bjó með mömmu í 11 ár og var henni góður og elskaður félagi. Ég var mjög sentimental í gærkvöld þegar við keyrðum kisa á nýja heimilið en ég fann hvað mér var létt þegar ég kom heim til mín, að vita að elsku kisi væri aftur orðinn félagi fólks. Hér eru mamma og kisi, pínkulítill, nýkominn til hennar.“