Orðrómur
Þorbjörn Þórðarson, fyrrverandi fréttamaður Stöðvar 2, er seinheppinn í starfi sínu sem spæjari Samherja. Þorbirni er ætlað, ásamt Jóni Óttari Ólafssyni, að grafa upp sitthvað misjafnt um fyrrverandi kollega sína. Myndbönd á Youtube er helsta vopn Samherja. Þeir kumpánar hafa haft Helga Seljan, fréttamann Kveiks, til sérstakrar skoðunar með þann einbeitta vilja að leiðarljósi að leiða fram sannanir um illvilja hans og lygar í garð Samherja. Jón Óttar hefur gengið skrefinu lengra og áreitt Helga með nafnlausum sms-skeytum og með því að sitja fyrir honum. Allt í boði Samherja og Þorsteins Más Baldvinssonar forstjóra.
Nýjasta útspilið er að kæra fjölda fréttamanna Ríkisútvarpsins til siðanefndar stofnuninnar vegna ummæla þeirra á samfélagsmiðlum. Stundin greinir frá því að á fylgiskjölum kærunnar, sem hafa að geyma ummæli fréttafólksins, eru fingraför spæjarans svo ekki verður um villst. Útprentanir sýna andlit Þorbjarnar í neðsta horni. Fréttamaðurinn fyrrverandi er nú í þeirri stöðu að gamlir félagar vilja sem minnst af honum vita. Sjálfur forðast hann spurningar annarra fréttamanna og lætur ekki ná í sig þrátt fyrir ítrekaðar tilraunir …