Það er leiðinlegt að segja frá því að eldri maður á göngu með hund í bandi í Skeiðarvoginum sparkaði í hundinn minn rétt í þessu,“ skrifar María nokkur inn í hóp Langholtshverfis á Facebook.
Ekki vildi betur til en svo að hundur konunnar slapp út, eftir að iðnaðarmenn sem eru við vinnu heima hjá henni, gleymdu að loka hliði á eftir sér.
Maður Maríu brást þó fljótt við og hljóp á eftir hundinum og mætti þá hinum umrædda eldri manni sem sparkaði í hundinn.
Eldri maðurinn, sem sjálfur var með hund, vandaði þeim ekki kveðjuna. Hann æsti sig við mann konunnar, sagði það vera stranglega bannað að hafa hunda lausa. Og þrátt fyrir að maðurinn bæðist afsökunar og segði að um óhapp hefði verið að ræða, hundurinn væri aldrei laus, kallaði eldri maðurinn hann aumingja og sagði hann óhæfan að eiga hund. Hann lét ekki þar við sitja heldur hótaði að kæra fólkið í von um að hundurinn yrði tekinn af þeim.
„Gamall pirraður gráhærður maður..Kári Stefáns??“ spyr einn fyndinn.
En ekki er vitað hvaða eldri maður var þarna á ferð.