Margfaldi Íslandsmeistarinn í módel fitness og fyrrum fegurðardrottningin Elva Katrín Bergþórsdóttir var undir stækkunargleri Mannlífs í vikunni.
Elva er 28 ára gömul, þriggja barna móðir að norðan. Elva starfar sem viðskiptafræðingur hjá endurskoðunarfyrirtækinu Enor á Akureyri og er dugleg að mæta á æfingar milli þess sem hún sinnir fjölskyldu og vinnu.
Mannlíf komst meðal annars að því að Elva elskar raunveruleikaþætti og þrátt fyrir að vera í fanta formi og dugleg að borða hollt á hún erfitt með að slá hendinni á móti djúsí pizzu.
Fjölskylduhagir? Þrjár litlar skottur og unnusti
Menntun/atvinna? Viðskiptafræðingur
Uppáhalds Sjónvarpsefni? Vandræðalega mikið fyrir raunveruleikaþætti, Real Housewives, RuPaul’s drag race , Love Island og þessháttar
Leikari? Angelina Jolie
Rithöfundur? Yrsa
Bók eða bíó? Bíó
Besti matur? Djúsí pizza
Kók eða Pepsí? Pepsi max
Fallegasti staðurinn? Ásbyrgi
Hvað er skemmtilegt? Æfa í góðum félagsskap
Hvað er leiðinlegt? Skafa snjó af bílnum
Hvaða flokkur? Pass
Hvaða skemmtistaður? Kaffi Ak í denn
Kostir? Dugleg
Lestir? Get verið svolítið kassalaga
Hver er fyndinn? Björn Bragi
Hver er leiðinlegur? Donald Trump
Trúir þú á drauga? Svona bæði og
Stærsta augnablikið? Þegar ég varð þriggja barna móðir
Mestu vonbrigðin? Covid
Hver er draumurinn? Ferðast með fjölskyldunni á framandi staði
Mesta afrek sem þú hefur unnið á þessu ári? Halda áfram að æfa 6 á morgnana meðan líkamsræktin var lokuð
Ertu búin að ná öllum þínum markmiðum? Get ekki sagt það, er frekar dugleg að setja mér ný markmið
Manstu eftir einhverjum brandara? Dettur alltaf fyrst í hug tómatabrandarinn, hann er vinsæll hjá 5 ára dóttur minni.
Vandræðalegasta augnablikið? Detta á sviðinu í MA
Sorglegasta stundin? Missa nákominn
Mesta gleðin? Eignast stelpurnar okkar
Mikilvægast í lífinu? Fjölskylda og vinir