Föstudagur 29. mars, 2024
-0.2 C
Reykjavik

Starfsmaður Samherja hefur eltihrellt Helga Seljan mánuðum saman: „Sjáumst fljótt“

VefTv

- Auglýsing -

Hlaðvörp

- Auglýsing -

Jón Óttar Ólafsson, starfsmaður Samherja og fyrrverandi rannsóknarlögreglumaður, er sagður hafa áreitt Helga Seljan mánuðum saman eða allt frá því umfjöllun Kveiks og Stundarinnar birtist þann 12. Nóvember. Kjarninn greinir frá þessu.

Jón Óttar er sagður hafa setið fyrir Helga sem og hafa sent honum ítrekað skilaboð, bæði í síma og Facebook. Í sumum tilvikum fékk Helgi skilaboðin úr símanúmeri sem er skráð á eiginkonu Jóns Óttars.

Helgi er tíður gestur á Kaffifélaginu í miðbænum og þar hafi Jón Óttar setið fyrir honum. Helgi segir í samtali við Kjarnann að hann telji tilganginn að hræða hann eða ógna. Eitt dæmi um skilaboð sem Helgi hefur fengið frá honum eru: „Til hamingju Sjaumst fljótt.“ En það var þann 6. mars þegar Helgi vann til verðlauna í blaðamennsku.

Síðar fékk Helgi skilaboð frá eiginkonu Jóns Óttars en það var daginn sem alræmda myndband Samherja var birt á Youtube. „Mikið vona ég að þú vandir þig í framtíðinni, dómgreindarleysi þitt er svakalegt! Morgundagurinn verður erfiður trúðu mér. Þetta er sorglegt. Jóhannes Stefánsson plataði þig upp úr skónum.“

Helgi hélt lengst af að þetta hafi verið af einhverjum persónulegri ástæðu, en ekki að hann væri í vinnu fyrir Samherja. „Ástæðan fyrir því að við höfum ekkert verið að segja sérstaklega frá þessum samskiptum okkar við hann er að ég hélt í einfeldni minni að gæinn væri bara eitthvað fúll yfir því að við hefðum fjallað um hann í bókinni okkar og ekki fengið nóg að gera. Það væri eitthvað þannig sem hann væri ósáttur við. Mér datt ekki í hug að hann væri í fullri vinnu hjá Samherja – sem hann virðist hafa verið allan tímann – á meðan hann er búinn að vera að mæta niður á Kaffifélag, gerandi sér ferð þangað og hangandi yfir mér,“ segir Helgi.

Nánar má lesa um málið á Kjarnanum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -