Miðvikudagur 29. júní, 2022
13.8 C
Reykjavik

Stefán styður Þóru: „Ég stend að sjálfsögðu á bak við mitt fólk“

Helgarviðtalið

- Auglýsing -

Orðrómur

- Auglýsing -

Stefán Eiríksson útvarpsstjóri Rísikútvarpsins lýsti yfir fullum stuðningi við Þóru Arnórsdóttur í viðtali við Mannlíf í morgun.
Þóra sem er ritstjóri Kveiks er ein þeirra sem kölluð var til yfirheyrslu af lögreglunni á Norðurlandi eystra vegna aðkomu hennar að umfjöllun um skæruliðadeild Samherja.

„Ég stend að sjálfsögðu á bak við mitt fólk en þetta er bara mál sem er í farvegi þannig að það er ekki mikið meira um það að segja,“ sagði Stefán í morgun og vildi ekki tjá sig frekar um málið.
Þóra hefur réttarstöðu sakbornings en lögregla rannsakar nú meint brot gegn friðhelgi einkalífs. Þrír rannsóknarblaðamenn hafa einnig réttarstöðu sakbornings í málinu en það eru þeir Þórður Snær Júlíusson, ritstjóri Kjarnans, Arnar Þór Ingólfsson, blaðamaður á Kjarnanum og Aðalsteinn Kjartansson, blaðamaður á Stundinni.
Þá hefur aðförin gegn blaðamönnunum verið gagnrýnd harðlega síðustu daga en hefur Sigríður Dögg Auðunsdóttir, formaður Blaðamannafélags Íslands sagt ákvörðun lögreglunnar óskiljanlega.
Boðað hefur verið til mótmæla við Austurvöll á morgun klukkan 14:00 þar sem fólk er hvatt til þess að mæta og mótmæla.
Frekari upplýsingar má nálgast á Facebook atburðinum: Mótmælum ofsóknum á fjölmiðlafólk – Reykjavík

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -