„Mér var sagt upp störfum í lok apríl af sóknarnefndum í Innri- og Ytri-Njarðvíkursókn án þess að það hafi verið borið undir prestanna og án rökstuðnings,“ skrifar Stefán Helgi Kristinsson, sem nú er fráfarandi kórstjóri í Njarðvíkursókn:
„Ég fékk frábæran stuðning frá kórfélögum sem hættu allir með tölu við þessa gjörð sóknarnefndanna. Þannig að nei, kirkjukórinn er EKKI í sumarfríi!!!“
Stefán þakkar „prestunum fyrir frábært samstarf allan minn starfstíma í Njarðvíkurprestakalli. Þakka líka öllum kórfélögum sem hafa sungið undir minni stjórn á þessum árum kærlega fyrir samstarfið og að vera alltaf boðin og búinn að syngja og leiða sönginn í kirkjunum.
Sérstaklega þakka ég kórfélögunum sem voru með mér þennan síðasta vetur minn að standa svona þétt við bakið á mér á erfiðum tímamótum. Þakka öllum barna- og æskulýðsfulltrúum sem hafa starfað með mér í gegnum tíðina kærlega fyrir frábært samstarf. Eins þakka ég öllu öðru samstarfsfólki kærlega fyrir samstarfið á þessum næstum 13 árum sem ég starfaði við Njarðvíkurprestakall.“