Steinunn Ólína Þorsteinsdóttir, leikkona og ristjóri Kvennablaðsins, hrósar öllu íslensku heilbrigðisstarfsfólki og þar á meðan vinkonu sinni, Soffíu Steingrímsdóttur. Hún segir íslensku þjóðina einfaldlega þurfa að hysja upp um sig.
Þetta ritar Steinunn Ólína í færslu sinni á Facebook og birtir þar myndir af Soffíu. „Soffía mín stendur eins og annað starfsfólk LSH, vaktina fyrir okkur öll á bráðamóttökunni – hún vinnur endalausar vaktir dag eftir dag. Kvartar aldrei. Ég er buin að missa töluna á því hversu oft er búið að senda hana í úrvinnslusóttkví eða í sóttkví síðan í mars. Það eru 269 starfsmenn LSH í sóttkví í dag og 57 í einangrun!!! Nú þurfum við að hysja upp um okkur og ná utan um þetta hábölvaða ástand. Verum heima ef við eigum kost á,“ segir Steinunn Ólína.
Fjölmiðlamaðurin Egill Helgason tekur í sama streng. „Heill sé Soffíu og þeim sem standa þarna í fremstu línu!,“ segir Egill.
Það gerir Helgi nokkur Hannessar líka. „Hjartans þakkir óendanlega kæra Soffía og samstarfsfólk. HETJUR!!!!,“ segir Helgi.
Söngkonan Esther Talía Casey skilur ekkert í öllu því fólki sem er að smitast þessa dagana. „Ég skil bara ekki hvað allt þetta fólk sem er að smitast er að gera og afhverju það er út um allar trissur? Hvernig er ekki hægt að skilja ástandið og halda sig sem mest heimavið og huga að persónulegum vörnum.!🙈😣😱🇮🇸🎺🇮🇸🎺fyrir starfsfólki LSH!,“ segir Esther.