Steinunn Ólína Þorsteinsdóttir, stórleikkona skrifaði færslu á Facebook fyrir klukkutíma þar sem hún veltir fyrir sér mannauðinum sem finna má hjá flóttafólkinu sem nú flýja stríðsátök í Úkraínu. Færslan hefur slegið í gegn enda málefnaleg og fær fólk til að hugsa. Yfir hundrað manns hefur líkað við færsluna er þetta er ritað.
„Geta íslensk fyrirtæki, skólar og listastofnanir ekki séð hag í því að ráða til sín hæfileikafólk á flótta. Það flýja nú bæði úkraínumenn og rússar lönd sín vegna stríðsástands og frelsisskerðinga. Tónlistarfólk, leikhúsfólk, kvikmyndagerðarfólk, söngvarar, forritarar, háskólakennarar,iðnaðarmenn, heilbrigðisstarfsmenn,hárgreiðslufólk o.s frv. Þarna er hæfileikaríkt fólk og mikill mannauður sem gæti auðgað og nýst okkar samfélagi ríkulega. Að bjóða fólki upp á ársdvalarleyfi en upp á þau býti að mega ekki vinna hér er lamandi fyrir allt fólk. Allir vilja gera gagn og hafa eitthvað fyrir stafni líka í hræðilegum aðstæðum. Það er eðli mannsins.“