Slökkvilið á höfuðborgarsvæðinu var kallað út klukkan tvö í nótt að skemmtistaðnum Paloma við Naustina í miðbæ Reykjavíkur.
Þó nokkuð mikinn reyk lagði út um rúðu sem hafði sprungið.
Varðstjóri lögreglu segir í samtalið við RÚV að líklega hafi rúðan sprungið innan frá.
Sá sagði ekki óvarlegt að álykta að um reyksprengju væri að ræða, en það sé þó í höndum lögreglu að rannsaka ítarlega hvað gerðist.
Var enginn eldur þegar slökkvilið bar að garði.
Í fyrrinótt var reyksprengju hent inn í hús í Fossvogi; og lögregla stöðvaði einstakling sem bjó sig undir að kasta slíkri sprengju í hús í Hafnarfirði.
Kemur fram að bæði þá sem og í morgun gat varðstjóri slökkviliðs ekki sagt um möguleg tengsl þessara atburða við deilur í undirheimunum, sem tengjast hnífsstunguárás í Bankastræti í miðbæ Reykjavíkur fyrir um viku síðan.
Lögregla staðfesti þó seinna í gær að reyksprengjumál tengdust hnífsstunguárásinni.