• Orðrómur

Sunna doktor í lyfjafræði látin aðeins 35 ára: „Hjartað mitt græt­ur að hafa þig ekki leng­ur“

Efnisorð

Deila

- Auglýsing -

Sunna Jó­hanns­dótt­ir, doktor í lyfja­fræði, lést í faðmi fjölskyldunnar 25. maí síðastliðinn eftir erfiða og snarpa baráttu við hvítblæði. Hún var aðeins 35 ára og lætur eftir sig eiginmann og tveggja ára gamla dóttur.

Sunna fædd­ist í Reykja­vík 6. júlí 1985 og ólst að stærst­um hluta upp í Grafar­vogi. Hún stundaði nám við Mennta­skól­ann við Sund. Síðar hóf Sunna nám í lyfja­fræði við Há­skóla Íslands og lauk B.Sc. og M.Sc. gráðum. Strax að loknu masters­námi í lyfja­fræði fékk Sunna tæki­færi til að fara í rann­sókna­tengt doktors­nám við Há­skóla Íslands. Sunna sinnti stundakennslu við lyfjafræðideild HÍ og starfaði við rannsóknir og þróun augnlyfja.

Blessuð sé minning Sunnu.

- Auglýsing -

Árið 2011 greind­ist Sunna með hvít­blæði og við tók tveggja ára lyfjameðferð. Árið 2013 greind­ist hún aft­ur með sama sjúk­dóm og fór þá í bein­mergs­skipti til Svíþjóðar. Eft­ir að Sunna náði full­um bata fékk hún tæp­lega átta sjúk­dóms­laus ár með Ívari eig­in­manni sín­um og ungri dóttur þeirra.

Sunna bjó alla tíð yfir ein­stök­um bar­áttukrafti og lét veik­ind­in aldrei aftra sér. Henni er lýst sem hvers manns hugljúfi og fjölmargir fara um hana fögrum orðum í minningargreinum Morgunblaðsins í dag. Eiginmaður hennar og dóttir eru þar á meðal. „Þú varst heims­ins besta mamma og eig­in­kona. Þú varst besti vin­ur sem ég hef nokk­urn tím­ann átt. Ég kunni ekki neitt, en núna kann ég smá. Þú þroskaðir mig og kennd­ir mér á lífið. Mér þykir svo vænt um að við höf­um fengið að vera fjöl­skylda. Meira að segja þenn­an hræðileg­asta dag af öll­um dög­um, dag­inn sem þú fórst, þakkaði ég fyr­ir ást­ina og fann bjart­asta ljósið í myrkr­inu sem hafði gleypt mig. Það er ekki hægt að elska meira, þú verður alltaf hjá okk­ur.“

Eldri systir Sunnu minnist líka yndislegrar systur sinnar í minningargrein. Þar kemur hún meðal annars inn á hversu erfið veikindin hafi þjappað fjölskyldunni saman. „Á þess­um tíma komu góðu mann­kost­ir þínir svo vel í ljós. Bar­áttu­andi þinn var ein­stak­ur, gleðin þín, jarðteng­ing og jafn­vægið, og óend­an­leg­ur styrk­ur þinn og hug­rekki. Þú tókst sár­um ör­lög­um þínum af því­líku æðru­leysi, fórst aldrei í flótta, af­neit­un eða bit­urð. Lést sjúk­dóm­inn aldrei sigra þig. Meira að segja þegar þú tókst síðasta and­ar­drátt­inn í faðmi fjöl­skyld­unn­ar varstu ekki sigruð. Áttir fullt eft­ir, það var bara mennsk­ur kropp­ur­inn og lækna­vís­ind­in sem gátu ekki meira,“ segir systirin og bætir við:

- Auglýsing -

„Elsku Sunn­an mín. Við sem ætluðum að verða gaml­ar sam­an, búa hlið við hlið og ala dæt­ur okk­ar upp sem syst­ur. Ég lofa því að heiðra það og gera þín góðu gildi og verk að leiðarljósi í gegn­um líf okk­ar allra. Ég elska þig alltaf, af öllu hjarta. Ekki hægt að elska meira.“

Vinkona Sunnu á erfitt með að koma sorginni í orð í minningagrein. Glaðlynd­ari og greindari konu en Sunnu sé vanfundin. „Hjartað mitt græt­ur yfir því að hafa þig ekki leng­ur hjá mér. Sorg­in skil­ur eft­ir sár í hjart­anu og ég get ekki skilið hversu ósann­gjarnt það er að þurfa að kveðja sól­ina í lífi mínu. Ég á eft­ir að sakna þín meira en orð geta tjáð. Ég elska þig alltaf og sendi all­an minn styrk til fjöl­skyld­unn­ar þinn­ar.“

Útför Sunnu fer fram frá Frí­kirkj­unni í Reykja­vík í dag klukk­an 15. At­höfn­in er öll­um opin.

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -