Þúsundþjalasmiðurinn og fjöllistakonan Díana Omel, sem flestir landsmenn kannast við eftir glæsilega framkomu í Gleðigöngunni, segir farir sínar ekki sléttar. Hún á í hörðum deilum við nágranna sinn í Norðurmýrinni og segir hingað og ekki lengra í færslu til íbúa hverfisins.
Deilurnar snúast um litla tík sem gengur laus um hverfið hvað eftir annað. Nú í dag kom svo kornið sem fyllti mælinn. „Góðann daginn, kannast einhver hér við eiganda rauðrar pinscher tíkur sem heitir Ósk. Er komin með nóg af þessari lausagöngu á henni, og hef ekki tölu á hvað hún hefur oft ráðist á tíkina mína og núna síðast fyrir hálftíma,“ segir Díana Omel.
Hún hyggst kæra nágranna sinn til lögreglunnar og MAST. „Ef einhver hér sem er ekki að drepast úr meðvirkni og veit hvað maðurinn heitir og hvar hann býr væri það vel þegið, ætla mér að tilkynna hann til MAST og Lögreglu. Er marg oft búin að ræða við hann í góðu og svo núna síðustu 7 mánuði í illu. Komið gott,“ segir Díana og bætir við:
„Veit að það er fullt af hundaeigendum hér inni sem vita hver þetta er, hann er skólarbókardæmi um lélegan eiganda, kemur óorði á okkur hin bæði með lausagöngu og hundaskít um allt.“