Í ljósi þeirrar stöðu sem komin er upp á landinu vegna Covid-19 er ekki úr vegi að benda á skemmtilegan hóp á Facebook sem er greinilega að létta lund margra landsmanna. Hópurinn ber nafnið Syngjum veiruna burt og er öllu frjálst að birta myndbönd af sér syngja inn á hópnum.
Hópurinn er mjög stór en það eru tæplega 30.000 manns meðlimir í honum. Hann var stofnaður 28. mars 2020 og lifir enn góðu lífi að er virðist. Seyðfirðingurinn Helgi Haraldsson stofnaði hópinn og segir á síðunni: „Hér er öllum frjálst að skella inn söngmyndbandi. Höfum gaman saman og syngjum hver með okkar nefi eða jafnvel munni góða skemmtun“.
Mannlíf mælir með hópnum sem sannarlega lífgar upp á tilveruna eftir fréttir síðustu daga. Það verður eflaust fjör þar yfir verslunarmannahelgina svona í ljósi þess að ekki verður mikið um að vera þá helgi vegna ástandsins.