Sunnudagur 2. október, 2022
9.8 C
Reykjavik

Systir Valdimars sakar Siggu Lund um að hafa beitt hann ofbeldi í beinni

Helgarviðtalið

- Auglýsing -

Orðrómur

- Auglýsing -

Sylvía Guðmundsdóttir, systir söngvarans vinsæla Valdimars, segist sjá sig knúna til að vekja athygli á hegðun útvarpskonunnar Siggu Lund. Valdimar á von á barni með unnustu sinni en Sigga hæddist að útliti parsins í beinni útsendingu.

Sylvía segist einfaldlega fokill yfir þessu. „Ég á nú oftast auðvelt með að tjá mig en núna eru einu orðin sem koma upp í huga mèr blótsyrði og svívirðingar. Ég veit að slíkt er mér ekki til framdráttar og ætla èg því að reyna að hemja mig. Útvarpskonan Sigga Lund lét nokkur „vel valin“ orð falla í útvarpsþættinum Zúber á Bylgjunni í dag. Þar talar hún um hverjar hennar fyrstu hugsanir voru þegar hún sá frétt um að bróðir minn og kærastan hans ættu von á sínu fyrsta barni,“ segir hún í færslu á Facebook sem Hringbraut hefur meðal annars fjallað um.

Sylvía segir Siggu hafa beitt Valdimar ofbeldi í beinni útsendingu. „Einnig gefur hún sér það að margir hafi hugsað það sama og frábiður sér að vera kaffærð fyrir orð sín. (Sem mér þætti þó réttast). Til að bæta gráu ofan á svart hringir hún í Valdimar í auglýsingahlénu og biður hann að koma í símaviðtal og tjá sig um málið, sem hann afþakkaði. Þessi kona beitti bróðir minn ofbeldi í beinni útsendingu. Vanvirðingin sem hún sýnir honum og ástkæru barnsmóður hans er þvílík! Aldrei hefði mér dottið í hug að þessi gleðitíðindi sem þau færðu okkur yrðu til þess að slík ummæli yrðu látin falla. Hvað þá í beinni útsendingu í útvarpinu,“ segir Sylvía.

Hún bendir svo fólki á að hlusta á atvikið sjálft. „Þeir sem hafa áhuga á því að hlusta geta spólað inn í þáttinn fram að 1:15:20. Hún „þurfti ekki“ að nefna þetta! Reiðin kraumar inn í mér og èg vona svo heitt og innilega að hún þurfi að taka afleiðingum af þessu. Afleiðingum af því að hafa í sinni forréttindastöðu sem útvarpsstarfsmaður beitt bróðir minn ofbeldi og smánað hann og hans ástkæru í beinni útsendingu!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -