Tæplega 100 þúsund börn smitast á tveimur vikum

Tæplega 100 þúsund börn greindust með Covid-19 í Bandaríkjunum síðustu tvær vikurnar í júlímánuði. Þetta kemur fram í skýrslu Bandarísku barnalæknaakademíunnar og Samtaka bandarískra barnaspítala. RÚV greindi frá.

Frá því að kórónuveirufaraldurinn hófst í Bandaríkjunum hafa nærri 340 þúsund börn smitast. Ríflega fjórðungur þeirra greindist því með veiruna á þessum tveimur vikum í júlí. Stjórnvöld þar í landi hafa gefið út að í flestum ríkjum hefjist kennsla að nýju en því hafa bæði kennarar og foreldrar víða mótmælt þar sem farsóttinn geisi enn af fullum þunga í landinu.