2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Talið að brúðkaupið muni kosta um 300 milljónir

Áætlaður kostnaður í kringum brúðkaup Eugenie prinsessu af York og Jack Brooksbank er um 300 milljónir króna.

Eugenie prinsessa af York og Jack Brooksbank munu ganga í hjónaband þann 12. október í kapellu heilags Georgs í Windsor-kastala.

Samkvæmt heimildarmanni Daily Mirror mun brúðkaupið verða hið glæsilegasta en áætlaður kostnaður í kringum athöfnina og veisluna er um tvær milljónir punda, sem gerir um 300 milljónir íslenskra króna. Kostnaðurinn í kringum brúðkaupið fer fyrir brjóstið á sumum, meðal annars þingmanninum Chris Williamson, því breskir skattgreiðendur þurfa að borga brúsann. „Hver hefur svo sem heyrt um Eugenie prinsessu? Það er engin þörf á svona mikilfenglegri athöfn,“ sagði hann meðal annars í viðtali við Sky News.

Samkvæmt heimildarmanni Daily Mirror munu Eugenie og Jack mæta í athöfnina í opnum hestvagni á meðan sekkjapíputónlist mun óma.

Gestalistinn verður svo stjörnum prýddur en Ed Sheeran, Ellie Goulding, Kate Moss, Cara Delevingne, Robbie Williams og George og Amal Clooney munu vera meðal þeirra sem fengu boðskort.

AUGLÝSING


Þá mun söngvarinn Andrea Bocelli syngja í veislunni á meðan gestir gæða sér meðal annars á rauðri flauelsköku.

Ekki missa af þessum

Annað áhugavert efni

Nýjast á Mannlíf.is