„Nei ég hérna ætla ekki að tjá mig um þetta. það er best að líta bara á fréttatilkynninguna,“ sagði Ívar Erlendsson, tengdafaðir Gylfa Þórs Sigurðssonar í samtali við Mannlíf rétt upp úr hádegi í dag. Aðsurður hvort hann vissi hver næstu skref Gylfa yrðu í málinu sagðist hann heldur ekki vilja að tjá sig um það. „Nei tjái mig ekkert um það, það yrðu bara spegúlersjónir.“
Greint var frá yfirlýsingu lögreglunnar í Manchester í dag þar sem kom fram að Gylfi Þór yrði ekki ákærður fyrir meint brot gegn ólögráða einstaklingi og hann því laus allra mála. Gylfi var handtekinn í júlí árið 2021; grunaður um brot gegn ólögráða einstaklingi. Rannsókn málsins lauk í janúar síðastliðnum og fékk saksóknaraembættið gögnin í hendurnar frá lögreglunni í kjölfarið. Var það í höndum embættisins að ákvarða næstu skref en niðurstaðan var sú að málið var fellt niður. Gylfi hefur enn ekki tjáð sig um málið.
.
