Alríkisdómari í Texas hefur aflétt banni ríkisins við því að fólk á aldrinum 18 til 20 ára beri skammbyssur. Virðist þetta vera fyrsti stóri dómsúrskurðurinn frá tímamótaúrskurð um vopnarétt í júní síðastliðnum.
Lögin sem um ræðir bannaði ungumennum á aldrinum 18-20 ára, sem ekki eru í virkri herþjónustu, að bera skammbyssur á almannafæri. Áskorunin um breytingu laganna var lögð fram árið 2021 af samtökunum Firearms Policy Coalition, sem er svokallaður réttindahópur byssueigenda. Hópurinn sagði bannið brjóta í bága við aðra breytingu á stjórnarskrá Bandaríkjanna þar sem „réttur fólksins til að halda og bera vopn verði ekki brotinn“.
Lögfræðingar frá ríkissaksóknara í Texas höfðu haldið því fram að það væri sögulegur grundvöllur fyrir því að ákvarða hver gæti borið byssur miðað við aldur. Reyndist þeirra yfirlýsing þó árangurslaus. Kemur fram í erlendum miðlum að nú þegar geti 18 ára einstaklingur gengið inn í hvaða verslun sem er, sem selur skotvopn, og keypt þar langar byssur eins og riffla. Var það raunin með 18 ára skotmanninn sem notaði hálfsjálfvirkan riffil til að ráðast á skóla í Uvalde í Texas í maí. Í árásinni létust 19 börn og tveir kennarar.