Fimmtudagur 28. mars, 2024
-2.2 C
Reykjavik

„Það verður enginn skikkaður til að spila“

VefTv

- Auglýsing -

Hlaðvörp

- Auglýsing -

Formaður KSÍ segir að sambandið fylgist grannt með gangi mála vegna kórónaveirunnar.

Guðni Bergsson, formaður KSÍ. Mynd / Skjáskot twitter

Guðni Bergsson, formaður KSÍ, segir í samtali við Mannlíf að sambandið fylgist náið með þróun mála þegar kemur að kórónaveirunni. Fram undan er afar þýðingarmikill landsleikur a-landsliðs karla gegn Rúmeníu. Hann fer að óbreyttu fram á Laugardalsvelli 26. mars. Guðni segir aðgerðaáætlun hafi verið búin til en enginn leikmaður verði skikkaður til að spila leikinn.

Brynjar Þór Björnsson, leikmaður KR í körfubolta, lýsti því yfir á Facebook í dag að hann hygðist ekki taka þátt í leik KR og Stjörnunnar sem fram fer á morgun. „Ég tel óskynsamlegt að mæta á jafn fjölmennan stað og DHL-Höllin mun vera annað kvöld,“ sagði Brynjar og vísaði til fregna á Covid-19. Þess má geta að yfirlýsingin kom formanni körfuknattleiksdeildar KR í opna skjöldu. „Hann er ekki að tala fyrir hönd körfuknattleiksdeildar KR.“

Spurður hvað KSÍ geri ef einhverjir leikmenn vilji ekki taka þátt í leiknum við Rúmeníu vegna kórónaveirunnar svarar Guðni. „Það verður enginn skikkaður til að spila ef hann vill ekki spila.“ Hann nefnir að Íslendingar eigi leikmenn sem spila á svæðum þar sem veiran hefur verið áberandi. Í því samhengi má nefna að landsliðsmaðurinn Birkir Bjarnason spilar á Ítalíu.

Guðni segir að KSÍ fylgist vel með þróun mála, enda breytist aðstæður frá degi til dags. „Við erum að tala við þá aðila sem skipta máli í þessu, eins og heilbrigðisyfirvöld og fólk hér innanhúss,“ útskýrir Guðni. Hann nefnir að Íslandsmótið í knattspyrnu sé framundan og landsliðsverkefni yngri landsliða. „Það er ekki komin nein aðgerðaráætlun í því sambandi.“ Hann segir að KSÍ muni fara að fyrirmælum yfirvalda, ef af því kemur.

Hannes S. Jónsson, formaður Körfuknattleikssambands Íslands, segir í samtali við Mannlíf að sambandið treysti því sem opinberir aðilar segi. Sambandið muni fylgja þeim að máli. „Við eigum að halda ró okkar. Það hefur ekki verið sett á samkomubann eða neitt slíkt,“ segir hann.

- Auglýsing -

Hannes segir að sambandið sé vakandi og sofandi yfir fréttum af kórónaveirunni. „Eins og staðan er núna munum við númer eitt, tvö og þrjú fara eftir því sem heilbrigðisyfirvöld segja. Við treystum þeim til að meta þetta.“ Hann segir að ef smitum haldi áfram að fjölga geti sambandið þurft að bregðast við. „Við eigum í nánu samstarfi við yfirvöld í þessum efnum og heyrum í þeim mjög reglulega.“ Hann segist hins vegar skilja einstaklinga vel að hafa áhyggjur af veirunni. „Þetta er bara hans val,“ segir hann um ákvörðun Brynjars Þórs.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -