Fimmtudagur 28. mars, 2024
-3.2 C
Reykjavik

Þessir áttu góða og slæma viku…

VefTv

- Auglýsing -

Hlaðvörp

- Auglýsing -

Góð vika

Guðmundur Felix Grétarsson handhafi átti ekki aðeins góða viku, heldur frábæra. Hann hélt ótrúlegu bataferli sínu áfram í Frakklandi á dögunum þegar hann náði að hreyfa fingur hægri handar. Það er áfangi sem læknar bjuggust við að hann næði eftir tvö ár en nú eru aðeins liðnir um 9 mánuðir frá því að hann fékk tvo handleggi grædda á sig, fyrstur manna. Einnig er hann farinn að finna fyrir snertingu og kulda í hægri handleggnum sem verður að teljast frábær þróun.

Ísak Bergmann Jóhannesson átti einnig mjög góða viku en hann varð yngsti markaskorari í sögu íslenska landsliðsins í knattspyrnu þegar hann skoraði mark í jafntefli Íslands og Armeníu. Að auki sýndi hann mikinn liðsanda þegar hann bað um að fá að vera áfram á hótelinu með landsliðinu fyrir leik liðsins gegn Liechtenstein en hann fékk gult spjald á móti Armeníu og var því í leikbanni. Hann hefði sem sagt getað farið heim til fjölskyldunnar en kaus að vera með liðinu. Lofar sannarlega góðu um framhaldið.

Slæm vika

Birgir Þórarinsson, þingmaður Miðflokksins þar til í síðustu viku, hefur ekki átt sérstaklega góða viku. Hann sagði sig úr Miðflokknum og gekk í raðir Sjálfstæðismanna við litla hrifningu flestra.

Sótt var að Birgi úr flestum áttum þótt hann hafi fundið faðm hjá Bjarna Benediktssyni, formanni Sjálfstæðisflokksins, sem fagnaði komu hans. Ekki voru allir Sjálfstæðismenn ánægðir með nýjustu viðbótina og Jón Steinar Gunnlaugsson, fyrrverandi hæstaréttardómari og Sjálfstæðismaður, sagði nýverið að Sjálfstæðisflokkurinn væri siðlaus.

- Auglýsing -

Varaþingmaður Birgis, Erna Bjarnadóttir, hefur gefið út að hún muni ekki fylgja Birgi inn í Sjálfstæðisflokkinn, fari svo að hún þurfi að leysa hann af.
Þá skrifaði Björn Birgisson harðorðan pistil í vikunni þar sem hann kallaði Birgi skammarlegan skítablett á lýðræðinu í landinu.

Morgunblaðið átti ekki heldur góða viku en það kom í ljós að lestur blaðsins er kominn niður fyrir lestur Stundarinnar eða í 9,5 prósenta lestur í hópi Reykvíkinga á aldrinum 20 til 50 ára, eins mikilvægasta markaðshópsins, en Stundin er með 10,5 prósenta lestur. Kom þetta fram í nýrri könnun frá Gallup. Morgunblaðið hefur hrapað í lestri um 3,3 prósentustig á milli kannana.

Þá fékk Morgunblaðið á baukinn í vikunni frá engri annarri en forsetafrúnni, Elizu Reid. Mogginn hafði birt ljósmynd og frétt um heimsókn krónprins Danmerkur á Bessastaði en láðist að nefna Elizu Reid á nafn, þrátt fyrir að hún hafi í raun stolið senunni á ljósmyndinni. Það var eins og forsetafrúin hefði ekki verið á staðnum.

- Auglýsing -

 

Smelltu hér til að lesa brakandi og feskt helgarblað Mannlífs eða flettu því hér fyrir neðan:

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -