Kallað hefur verið eftir afsögn Bjarna Benediktssonar, fjármálaráðherra, en hann telur enga ástæðu til að víkja af ráðherrastóli. Er Bjarni sakaður um brot á sóttvarnarlögum eftir að hafa verið gestur í fjölmennri veislu í Ásmundarsal á Þorláksmessukvöld. Bjarni nýtur stuðnings Sigurður Inga, formanns Framsóknarflokksins og Katrínar Jakobsdóttur forsætisráðherra en hún hefur sagt hegðun fjármálaráðherra „afsakanlega.“ En stór hluti þjóðarinnar er á öðru máli, sé tekið mið af umræðu á samfélagsmiðlum. Þá hefur stjórnarandstaðan gagnrýnt Bjarna hart. Einn af þeim er þingmaður Pírata, Smári McCarthy. Smári birtir nokkuð athyglisverðan lista:
„Dara Calleary, landbúnaðarráðherra Írlands.
Jerry Buttimer, öldungadeildarþingmaður á Írlandi.
Phil Hogan, viðskiptaráðherra Evrópu.
David Clark, heilbrigðisráðherra Nýja Sjálands.
Neil Ferguson, ráðgjafi Bresku ríkisstjórnarinnar.
Catherine Calderwood, yfirlæknir Skotlands.
Jozsef Szajer, Evrópuþingmaður.
Roman Prymula, heilbrigðisráðherra Tékklands.
Carlos Kingsley Ahenkorah, aðstoðarviðskipta- og iðnaðarráðherra Ghana.“
Hvað á þetta fólk svo sameiginlegt. Jú, þarna er um að ræða nokkur dæmi um háttsett fólk í stjórnmálum sem hefur sagt af sér embætti eða verið vikið úr starfi eftir að hafa brotið með alvarlegum hætti gegn sóttvarnarlögum. Smári McCarthy segir:
„Í mörgum löndum tíðkast það ─ eða í það minnsta þekkist það ─ að stjórnmálamenn séu látnir bera ábyrgð á gjörðum sínum.“