• Orðrómur

Þingkonur birta tölvupósta frá sama manninum – Björn kvartar: „Átt erfitt með að hemja skap þitt“

Helgarviðtalið

- Auglýsing -

Orðrómur

- Auglýsing -

Þorbjörg Sigríður Gunnlaugsdóttir, þingkona Viðreisnar, deilir á Twitter kvörtunarbréfi sem hún fékk nýverið frá karlmanni nokkrum. Maðurinn virðist fylgjast vel með Alþingissjónvarpsrásinni og hefur yfir ýmsu að kvarta, þó að svo virðist fyrst og fremst ýmsu í fari kvenna.

Þorbjörg skrifar í gær á Twitter: „Ég gleymi því stundum að þeir eru til sem horfa á umræður Alþingis í sjónvarpinu. Annars bara góð og peppuð.“ Hún deilir svo skjáskoti af tölvupóstinum sem henni barst. „Sæl Þorbjörg. Það nennir enginn að hlusta á, langlokur þínar úr ræðustól Alþingis, hvorki aðrir þingmenn, né fólkið sem horfir á beinar útsendingar af þingstörfum. Styttu mál þitt, kona.“

Þórbjörg hefur afmáð nafn mannsins en í athugsemd deilir Áslaug Arna Sigurbjörnsdóttir dómsmálaráðherra tölvupósti sem virðist frá sama manni. Þar kemur fram að hann heitir Björn. Áslaug segist hafa fengið tölvupóst á sama tíma og þar stóð: „Sæl Áslaug. Ég tek eftir því, að þú átt erfitt með að hemja skap þitt, í ræðustól Alþingis. Kv, Björn.“

Nokkur fjöldi þingmanna úr öllum flokkum skrifa athugasemd og virðast flestir standa með þeim tveimur gegn þessum Birni. Andrés Ingi, sem sagði sig úr VG nýverið, skrifar: „KÞBAVD að stytta mál sitt“. Logi Einarsson, formaður Samfylkingarinnar, skrifar: „Bentu honum bara á að hraðspóla @obbasigga!“ Hanna Katrín Friðriksson, þingkona Viðreisnar, skrifar svo: „Dásamlegt. Þú ert að skemma þennan sjónvarpsþátt fyrir aumingja manneskjunni.“

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Nýtt í dag

Mest lesið í vikunni

Í fréttum er þetta helst...

- Auglýsing -