Þórhildur Gyða Arnarsdóttir er mjög reið út í fréttamiðilinn Hringbraut vegna athugasemda sem skrifaðar voru við frétt miðilsins er snéri að gagnrýni hennar á nýjum aðstoðarmanni innanríkisráðherra. Ástæðan er sú að fjöldinn allur af ljótum athugasemdum hafa verið skrifaðar við fréttina.
Þórhildur skrifaði Twitter færslu þar sem hún vekur máls á þessu.
„Góðan daginn, ég er bara í frekjukasti og það þarf að læsa mig einhversstaðar inni. @hringbraut eruði stolt af þessum rúmlega 100 ógeðiskommentum undir “fréttinni” ykkar um tweetið mitt?“
Birti hún einnig skjáskot af nokkrum ljótum athugasemdum en þar skrifar meðal annars Thorgeir Hjaltason eftirfarandi athugasemd; „Er þetta ekki sú sem fékk borgað fyrir að halda kjafti? Held bara að hún ætti að gera það.“
Margrét Kristjánsdóttir talar um grenjandi stelpu frekju. „Vá hvað er að þessari stelpu. Er ekkert í fréttum hjá ykkur blaðamönnum nema af grenjandi stelpu frekju.“
Blaðamaður Mannlífs sér ekki betur en að búið sé að loka fyrir athugasemdum við fréttinni á Hringbraut.
Góðan daginn, ég er bara í frekjukasti og það þarf að læsa mig einhversstaðar inni.
@hringbraut eruði stolt af þessum rúmlega 100 ógeðiskommentum undir “fréttinni” ykkar um tweetið mitt? pic.twitter.com/FN0pR5en4D
— Þórhildur Gyða (@torii_96) December 3, 2021