- Auglýsing -
Kona sem var í hópi þeirra hælisleitenda sem stendur til að senda úr landi á næstunni hefur sloppið við brottvísun. Konan er komin átta mánuði á leið og hefur vottorð frá lækni þar sem kemur fram að ekki sé forsvaranlegt að senda hana úr landi. Þá er vísað til þess að taka þurfi tillit til ástands hennar en Fréttablaðið greindi frá málinu.
Þá kemur fram að nánustu fjölskyldumeðlimir konunnar fái einnig skjól hér á landi en ekki liggur fyrir hve lengi. Hópurinn sem stendur til að senda úr landi er tiltölulega stór eða um 300 manns. Flestir þeirra fara til Grikklands en ekki hefur verið hægt að senda fólk af landi brott fyrr vegna Covid-19 faraldursins.