Fanney Lind Thomas sem leikur með Breiðablik í úrvalsdeild í körfuknattleik birti afar óviðeigandi skilaboð sem hún fékk frá þáverandi þjálfara sínum fyrir um níu árum. Þjálfarinn var giftur. Skilaboðin birti Fanney í kvöld í kjölfarið af fjölmiðlaumfjöllun um ósiðsamlega framkomu körfuboltadómara. Fanney segir hegðun margra körfuknattleiksþjálfara gagnvart ungum stúlkum í deildinni vera óviðeigandi. Skilaboðin sem Fanney fékk má sjá hér neðar í umfjölluninni.
SJÁ EINNIG: Leifur áður verið rekinn
Mannlíf greindi frá því fyrr í dag að Leifur S. Garðarsson skólastjóri hefur verið settur af sem körfuboltadómari hjá Körfuknattleikssambandi Íslands, KKÍ. Ástæðan voru ósæmileg samskipti hans við kvenkyns leikmann sem áttu sér stað á samskiptamiðlum snemma árs í fyrra.
DV opnaði á málið í gær með frétt af titringi innan KKÍ vegna málsins en nafngreindi þar ekki dómarann. Í samtali við Mannlíf þvertók Leifur aftur á móti fyrir það að vera sá dómari sem um ræðir. Aðspurður hvort hann hafi reynt við leikmann gegnum samskiptamiðla segist hann ekki taka þátt í slíku. Skömmu eftir að samtalinu lauk hafði hann aftur samband og vildi þá að ekkert yrði haft eftir honum um málið.
SJÁ EINNIG: Leifur er dómarinn
Nú hefur Fanney Lind Thomas, sem leikur í úrvalsdeild með Breiðablik í körfubolta stígið fram í kjölfar fréttanna. Hún birtir á Twitter skilaboð frá þáverandi þjálfara sínum en skilaboðin eru níu ára gömul. Þá var Fanney aðeins 22 ára gömul. Fanney segir á Twitter að nú sé tíminn útrunninn og birtir eftirfarandi frásögn og skilaboð:
„22 ára gömul fékk ég þessi skilaboð frá þjálfara í deildinni. Mjög svo óviðeigandi frá rígfullorðnum giftum manni. Slík hegðun fjölmargra þjálfara sem ég veit um gagnvart ungum stúlkum í deildinni hefur liðist í öll þessi ár. #timeisup“
Þar stendur meðal annars:
Fanney … nú ferð þú að sofa stúlka 🙂 !
Svo góð og stillt
Tvær mannætur voru á röltinu í skóginum þegar þær sáu þvílíkt vel vaxna ljóshærða gellu … hún var með þvílík brjóst, mjótt mitti og allt í gangi.
Sonurinn sagði við pabbann: „Hey pabbi, eigum við að fara með hana heim og éta hana?“
