Í dag tilkynnti Alþjóðafrjálsíþróttasambandið að trans-konum yrði bannað að keppa á afreksstigi; tekur bannið gildi þann 31. mars næstkomandi.
Um leið og þetta var tilkynnt var einnig stofnaður vinnuhópur til að skoða reglurnar til framtíðar; segir forseti sambandsins að það komi til greina að endurskoða reglurnar síðar meir.
Með þessu verður trans-konum sem gengu í gegn um kynþroskaskeið sem drengir bannað að keppa í kvennaflokki; ekkert er þó tekið fram um þátttökurétt trans-karla í karlaflokki.
Segir forseti sambandsins, Sebastian Coe, ákvörðunina tekna til að vernda heilindi kvennaflokksins; að markmiðið sé að tryggja jafnan keppnisgrundvöll fyrir konur í frjálsum íþróttum.
Ákvörðunin er sú sama og ákvörðun Alþjóðasundsambandsins; en það samband bannaði trans-konum að taka þátt í keppni á afreksstigi í fyrra.