Miðvikudagur 27. mars, 2024
-1.2 C
Reykjavik

Trillukarl úr Stykkishólmi í Andamanhafi: Sjálfstæðismaður með bláan fisk

VefTv

- Auglýsing -

Hlaðvörp

- Auglýsing -

Símon Már Sturluson trillukarl í Stykkishólmi er fjölhæfur í betra lagi. Sennilega með óhefðbundnari útgerðarmönnum þessa lands. Auk hefðbundinna fiskveiða ræktar hann Bláskel og rær eftir allskyns þangi og þara sem nóg er af í Breiðafirði.
Ljómandi hefur gengið að selja þessar afurðir þó heldur hefi dregið úr eftir að ferðamenn hurfu af landinu.
„Veitingahúsin voru að kaupa þetta til að bæta fjölbreytni sína. Breiðafjörðurinn er þekkt matarkista og enn vex það sem hann gefur af sér,“ segir þessi hugmyndaríki trillukarl við Breiðafjörð.

Fullt af Allskyns fiskum

Á vetrum hefur Símon notið þess að dvelja í hitabeltinu og skoðar framandi slóðir. Hann ferðast gjarnan um sveitir, skoðar þorp og akra en einkum eru litlu sjávarplássin honum hugleikin.

Símon er sannur sjálfstæðismaður til áratuga og íhugar að láta stoppa upp þennan bláa fisk sem hann kallar happadrátt.

„Ég hef siglt með ferðamenn sem komið hafa til Íslands langt að og hef upplifað skemmtun þeirra að skoða framandi lönd. Hef gefið þeim hráan skelfisk beint úr hafinu og séð hvað þetta er þeim mikils virði. Þegar ég kem austur í Asíu reyni ég að njóta líkt og ferðamennirnir mínir. Í gær fór ég í róður með tælenskum trillukörlum út á Andamanhaf. Við fengum fullt af allskyns fiskum sem ég þekki engin nöfn á og hef aldrei áður séð.
Þetta var stórkostlega gaman og ekki minnkaði gleðin þegar ég fékk veitingamann í fjöruborðinu til að framreiða veislu úr afla dagsins.
Þetta var ótrúlega gott þrátt fyrir að ég viti í raun ekkert hvað þetta var. Ég þekkti ekki eina einustu tegund af þessum fiskum en á klárlega eftir að gera þetta aftur,“ segir trillukarlinn úr Stykkishólmi sem hefur veitt með kollegum sínum handan jarðar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -