Nú er búið að staðfesta að annað líkið sé af Ali Sadpara, sem hvarf á tindinum fimmta febrúar ásamt John Snorra Sigurjónssyni og Juan Pablo Mahr. Ekki hefur fengist staðfest að hitt líkið sé af John Snorra.
Það var hópur sjerpa fann líkin, að sögn Garrett Madison, sem er nú staddur í þriðju búðum á fjallinu K2. Í viðtali við Explorer Web segir hann að teymið hafi unnið að því að festa reipi fyrir ofan fjórðu búðir þegar líkin tvö fundust; annað líkið var klætt gulum og svörtum fötum, en bæði John Snorri og Juan Pablo Mohr voru klæddir þeim litum þegar þeir týndust.
Sonur Ali, Sajid Sadpara, á fjallinu nálægt staðnum sem líkin fundust; hann kom í fjórðu búðir fjallsins ásamt teymi sínu í dag.
Eins og alþjóð veit reyndi John Snorri að verða einn þeirra fyrstu til að klífa tind K2 – sem er hættulegasta fjall til klifrunar í heiminum og hefur tekið ótal mannslíf – að vetri til; John Snorri var fyrsti Íslendingurinn til að komast á K2.
Nú er beðið frétta af því hvort annað líkið sé af John Snorra.