• Orðrómur

Umbylting hjá FH: Logi Ólafsson hættur eftir stórt tap gegn Breiðablik

Efnisorð

Deila

- Auglýsing -

Stjórn knattspyrnudeildar FH hefur staðfest að Logi Ólafsson sé ekki lengur þjálfari liðsins. Samkvæmt heimildum Mannlífs er Ólafur Jóhannesson líklega að taka við stjórnartaumunum í Kaplakrika.

Ekki eru nema tveir dagar síðan Valdimar Svavarsson formaður knattspyrnudeildar FH fullyrti í samtali við Mannlíf að ekki stæði til að reka Loga: „Nei, það stendur alls ekki til að reka Loga. Við í stjórn FH berum fullt traust til Loga Ólafssonar og erum mjög ánægð með störf hans. þótt stundum gefi á bátinn þá rjúka menn ekkert upp í einhverja vanhugsaðar ákvarðanir; við erum með flottan hóp sem ætlar sér stóra hluti. Það er bara áfram gakk og engar breytingar á döfinni,“ sagði Valdimar í samtali við Mannlíf á laugardagskvöldið síðasta sem sjá má hér:

Logi verður áfram hjá FH – Freyr ekki að taka við – „Kristján Óli veit þá meira um málið en ég“

- Auglýsing -

 

Hlutirnir hafa því aldeilis breyst á örskömmum tíma en svo virðist sem stórt tap FH gegn Breiðabliki – 4-0 – í gær í efstu deild karla hafi verið dropinn sem fyllti mælinn sem samkvæmt Valdimari á laugardagskvöldið var langt frá því að vera fullur.

FH hefur aðeins náð í eitt stig í síðustu fimm leikjum og það þykir afar lélegur árangur í Kaplakrika.

- Auglýsing -

Ef  Ólafur Jóhannesson tekur við liði FH er það í fjórða sinn sem hann gerir það.

Hér má sjá tilkynninguna sem stjórn knattspyrnudeildar FH sendi frá sér:

FH og Logi Ólafsson haf komist að sameiginlegri niðurstöðu um starfslok Loga hjá FH. Logi tók við FH liðinu um mitt síðasta tímabil og undir hans stjórn endaði liðið í 2. sæti deildarinnar ásamt því að komast í undanúrslit bikarkeppninnar. Stjórn knattspyrnudeildar þakkar honum vel unnin störf í gegnum tíðina og óskar honum velfarnaðar.

- Auglýsing -

 

 

 

 

 

 

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Mest lesið í vikunni

- Auglýsing -