Utanríkisráðherra birti mynd af nýjasta fjölskyldumeðlimnum

Guðlaugur Þór Þórðarson utanríkisráðherra fékk sér hund á dögunum. Hann deildi mynd af krúttinu á Facebook á föstudaginn.

„Hér er kynntur til leiks: Máni,“ skrifar Guðlaugur á Facebook um nýja fjölskyldumeðliminn sem er Golden Retriver. Hamingjuóskum rignir yfir hann á Facebook.

Guðlaugur og fjölskylda áttu hundinn Vask áður. Í maí endurbirti Guðlaugur myndband af Vaski á Facebook og sagði fjölskylduna sakna hundsins sárt.