• Orðrómur

Var Stefán að birta falsfrétt í Mogga? „Kæmi ekki á óvart ef mbl.is væri að birta falsfréttir“

Efnisorð

Deila

- Auglýsing -

Stefán Einar Stefánsson er frægur siðfræðingur og viðskiptaritstjóri Morgunblaðsins. Í samtali við DV staðfestir hann að Almannavarnir og Landspítali hafi óskað eftir því við mbl.is að vefurinn myndi fjarlægja frétt tengda Covid.

Stefán er ekkert að fara út í nákvæmar lýsingar á málinu, en hafði þó þetta að segja:

„Þetta tengist atviki þar sem ég stóð vaktina á blaðinu og laut að því að við vorum beðin um að fjarlægja frétt sem var rétt.“

- Auglýsing -

Ekki varð Stefán við beiðninni og hann segist hafa áhyggjur af þrýstingi stjórnvalda á fjölmiðla  í kringum alheimsfaraldinn skæða, sem fer nú eins og stormsveipur um Ísland og gefur lítil sem engin grið.

Stefán segir:

„Maður veit hins vegar ekkert hvernig aðrir hefðu brugðist við. Þegar fulltrúar stjórnvalda, vísindamennirnir stíga fram og fullyrða að eitthvað sé rangt þá hrökkva flestir í kút. En þegar gengið er á menn og þeir látnir rökstyðja fullyrðingu sína, þá verður það að halda vatni.“

- Auglýsing -

Og gagnrýnir orðræðu sóttvarnayfirvalda; sér í lagi yfirlýsingar um að Landspítalinn sé að þolmörkum kominn, í pistli á Facebook-síðu sinni í gær.

„Á Landspítalanum eru 638 sjúkrarúm og þar er fólki með ólíka sjúkdóma sinnt og einnig þeim sem orðið hafa fyrir alvarlegum slysum. Nú liggja 8 manns á spítalanum vegna Covid-19 en það svarar til 1,25% þeirra sjúkrarúma sem spítalinn heldur úti. Þrátt fyrir það er eflaust mjög stutt í að landlæknir, forstjóri spítalans og helstu yfirlæknar lýsi því yfir að stofnunin sé komin að þolmörkum og geti ekki meira. Það mun kynda enn frekar undir hræðsluáróðrinum og upplýsingaóreiðunni sem boðið er upp á til þess að hafa stjórn á almenningi.

- Auglýsing -

Margir beina sjónum sínum að fjölmiðlunum í þessu ástandi en þeir mega sín lítils. Þeir eru jafnvel krafðir um að fjarlægja fréttir sem ekki henta málflutningi yfirvalda. Þar er um fréttir að ræða sem eru sannar og réttar og til þess gerðar að upplýsa almenning um raunverulega stöðu mála.“

En enginn rökstuðningur né eðlilegar upplýsingar fylgja hins vegar máli Stefáns um þá fullyrðingu að um sé að ræða „fréttir sem eru sannar og réttar og til þess gerðar að upplýsa almenning um raunverulega stöðu mála.“

Hvað á maðurinn við?

Í samfélagshópi kemur fram maður að nafni Bergur Ísleifsson og fjallar um „mál“ Stefáns:

„Stefán Einar Stefánsson segir í Facebook-færslu að fjölmiðlar hafi „jafnvel verið krafðir um að fjarlægja fréttir sem ekki henta málflutningi yfirvalda.“ DV fær það svo staðfest hjá honum að „Almannavarnir og Landspítali hafi reynt að fá mbl.is til að fjarlægja frétt tengda Covid.“

Bergur bætir við:

„Mér finnst þetta nú býsna alvarlegt ef rétt er. Hafa aðrir á öðrum fjölmiðlum sömu sögu að segja? Sé svo, er þá ekki sjálfsagt að upplýsa almenning um hvaða frétt eða fréttir þessir aðilar, eða yfirvöld, hafa krafist að yrðu fjarlægðar?“

Gunnar Aron Ólason er ekki lengi til svars og segir að „það hefur líklega verið falsfrétt.“

Annar einstaklingur með skemmtilegt nafn brýst fram á ritvöllinn, sjálfur Jakob Geimkönnuður:

„Það kæmi mér ekki á óvart ef mbl.is væri farinn að birta falsfréttir, en það er samt spurning um hvað er rétt nálgun á svona. Mér fyndist eðlilegar ef það hefði verið gefin út yfirlýsing þar sem greint væri frá falsfréttinni og hún leiðrétt.“

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -