Ástandið á Íslandi er skelfilegt en svo virðist sem smám saman séu allir að smitast af Covid-19 og sitt sýnist hverjum um aðgerðir ríkisstjórnar Katrínar Jakobsdóttur.
Kona nokkur skrifaði færslu á Facebook síðu sinni þar sem hún segir frá smitum á leikskóla dóttur sinnar. Svo kemur uppfærsla sem sýnir hvað ástandið er alvarlegt. Nafninu á dóttur hennar hefur verið tekið út í fréttinni og einnig nafnið á leikskólanum sem um ræðir, til að gæta að persónuvernd. Færslan hljóðar eftirfarand:
„Jæja það kom þá að því! Fjórir af fimm smitaðir af Covid í okkar fjölskyldu (þið megið reyna að geta hver það er sem er neikvæður) en upp hefur komið stórt hópsmit á leikskólanum hjá dóttur minni. 10 börn eru smituð og 4 starfsmenn og fleiri bíða niðurstöðu. Við erum frekar hress með smá kvefeinkenni og hausverk. Því miður að þá eru fleiri útsettir fyrir smiti í fjölskyldum okkar. Við vonum bara að allir þeir sem eru að smitast sem afleiðing af þessu smiti i kringum okkur fari létt í gegnum þetta. Eigum við að þakka barnamálaráðherra fyrir að halda öllu opnu eða bara þakka fyrir að vera búin að ljúka þessu af? UPPFÆRT 24 börn og 8 starfsmenn eru nú smitaðir á leikskólanum!“