Fyrri verðkönnun vikunnar sýnir að Bónus hefur hækkað verð hjá sér á 14 vörutegundum á sléttum þremur mánuðum. Hækkun um allt að tæpum 48 prósent. Verð stóð í stað á sex vörutegundum og lækkaði á sjö. Miklar og óeðlilegar sveiflur eru á verði í íslenskum verslunum.
Mannlíf heldur áfram að kanna hvernig verð hefur breyst hjá verslunum yfir þriggja mánaða tímabil. Nú er röðin komin að Bónus en Mannlíf framkvæmdi verðkönnun í verslun þeirra í Mosfellsbæ fyrir sléttum þremur mánuðum. Verð voru einnig fengin í Bónus í Mosfellsbæ að þessu sinni. Skoðuð voru verð á 27 vörutegundum og eldri verð borin saman við þau nýju.
Niðurstöður
Verð hækkuðu á 14 vörutegundum af 27 á þessu þriggja mánaða tímabili. Verðin stóðu í stað á sjö vörutegundum og lækkaði á sex. Það er ekki ánægjulegt að sjá svona margar vörutegundir hækka í verði á svona skömmum tíma. Gríðarleg sveifla er í verðlagningu íslenskra verslana, meiri en eðlilegt getur talist að því er sýnist.
Hækkanir voru á bilinu 1,2 til 47,7 prósent og voru það að mestu leyti íslenskar vörur og ávextir sem hækkuðu. (Rautt í töflu)
Lækkanir voru á bilinu 0,3 til 32,9 prósent og voru það allt erlendar vörur nema ein sem lækkuðu. (gult í töflu)
Verð stóð í stað á fjórum íslenskum vörum og þremur erlendum. (Blátt í töflu)
Hér að neðan má sjá töflu með öllum upplýsingum.
