Sólveig Lilja: „Þið eruð að eitra fyrir ófæddum börnum og myrða fullfrískt fólk með eitursprautum!“

Ófrískar konur voru bólu­settar við Covid-19 í morgun, og þá mætti Sólveig Lilja Ósk­ars­dóttir á svæðið, við Orku­húsið, og mót­mælti bólu­setn­ing­unum og hróp­aði að ófrísku kon­unum: „Þið eruð að eitra fyrir ófæddum börnum ykkar.“

Sólveig. Skjáskot af Facebook.

Sólveig mætti á svæðið ásamt annarri konu í sama mund og hefja átti bólu­setn­ingar.

Þegar reynt var að halda Sólveigu frá inn­gangnum að bólu­setn­ing­ar­staðnum hóf hún að öskra af alefli og í kjöl­farið veitt­ist hún að heil­brigð­is­starfs­fólki.

Sólveig er með­limur í sam­fé­lags­grúpp­unni „Coviðspyrnan“ sem er hópur sem „berst gegn öfga­fullum og skað­legum aðgerðum yfir­valda vegna Covid.“

Sólveig sak­aði stjórn­völd um morð og sagði verið væri að sprauta eitri í full­frískt fólk.

Var hún hand­tekin og öskr­aði að „Þetta er ólög­leg hand­taka!“

Frétta­menn RÚV voru á svæð­inu að ræða við kon­urnar sem voru á leið­inni í bólu­setn­ingu og náðu atvik­inu á mynd­band sem sjá má á ruv.is

Kamilla S. Jós­eps­dóttir, sem er stað­geng­ill sótt­varna­læknis, sagði að hún vissi nú ekki hvað hún ætti að segja við þessu en segir að þær konur sem hafi verið þarna hefðu verið þangað komnar til þess að verja sig og ófædd börn sín. Kamilla virt­ist mjög hneyksluð á athæfi kvenn­anna tveggja.