Vigdís Häsler Sveinsdóttir lögfræðingur fer með forystu í ný stofnuðum starfshópi vegna heimilisins á Hjalteyri en þetta kemur fram á vef Stjórnarráðsins í dag.
Þá séu aðrir sem sitja í hópnum Ásgeir Örn Blöndal Jóhannsson, lögmaður og Halldór Þormar Halldórsson, umsjónamaður sanngirnisbóta og
Ingibjörg Gyða Guðrúnardóttir, tengiliður sanngirnisbóta.
Jón Gunnarsson innanríkisráðherra skipaði starfshópinn sem hefur þegar tekið til starfa en honum ætlað að afla mikilvægra gagna og upplýsinga um starfsemina á Hjalteyri.
„Verkefni hins nýstofnaða starfshóps munu ná til þess að lýsa tildrögum að starfsemi heimilisins, lýsa því hvernig opinberu eftirliti var háttað og skila tillögum til stjórnvalda um frekari viðbrögð og afmörkun verkefnisins,“er meðal þess sem segir í tilynningunni.
Auk þess kemur fram að löggjöfin um starfsemi vistheimilanefndar hafi verið felld úr gildi. Ástæða þess var að ekki þótti þörf á frekari könnunum sem lauk með uppgjöri sanngirnisbóta.
„Hópurinn á að lokum að lýsa þeim lagahindrunum sem eru fyrir frekari rannsókn málsins og eftir atvikum að leggja fram tillögu að því hvort niðurstöður starfshópsins kalli á lagabreytingar. Miðað er við að starfshópurinn taki meðal annars til nánari skoðunar rannsóknir og skýrslur vistheimildanefndar“.