Þriðjudagur 19. mars, 2024
0.8 C
Reykjavik

Vítalía hefur ekki kært þremenningana

VefTv

- Auglýsing -

Hlaðvörp

- Auglýsing -

Samkvæmt heimildum Mannlífs hefur engin kæra verið lögð fram á hendur Hreggviði Jónssyni, Ara Edwald og Þórði Má Jóhannessyni. Áður hafði verið greint frá því að Vítalía Lazareva hefði kært þremenningana en hafði hún enn ekki verið kölluð í skýrslutöku.

Samkvæmt upplýsingum frá lögreglunni á Vesturlandi er fólk kallað skýrslutöku eins fljótt og auðið er þegar kemur að kynferðisbrotamálum. Eva B. Helgadóttir, lögmaður Hreggviðs Jónssonar, staðfesti í samtali við Morgunblaðið að engin kæra hafi verið lögð fram á hendur mönnunum.

Arnar Grant sagði á dögunum í samtali við Mannlíf að hann hefði enn ekki verið kallaður inn til skýrslutöku vegna kæru sem Vítalía Lazareva sagðist hafa lagt fram á hendur mönnunum. „Þetta er hjá lögreglunni upp á Akranesi skilst mér, gerist í Skorradalnum,“ sagði hann. Hann sagðist ekki hafa heyrt í Vítalíu lengi.

Þann 11. júní síðasliðinn kom það fram hjá Vísi að Vítalía segðist enn ekki hafa farið í skýrslutöku vegna kæru sem hún sagðist hafa lagt fram á hendur þremenningunum. Mannlíf hafði samband við lögregluna á Vesturlandi og spurði almennra spurninga um rannsókn kynferðisbrotamála, meðal annars hve fljótt reynt væri að fá brotaþola til skýrslutöku. Það var sagt gert svo fljótt sem auðið væri. Í svörunum kom meðal annars fram:

„Það er alltaf reynt að fá brotþola inn til skýrslutöku sem fyrst til fá framburð og atvikalýsingu. Atvikalýsing þarf að liggja fyrir svo rannsókn geti hafist.

Helst er að það verði tafir (dagar) þegar um ung börn er að ræða, þar sem fleiri koma að upphafi máls, þ.e. stundum tekur tíma að samræma tíma í Barnahúsi við Dómara.“

- Auglýsing -

Það var í mars síðastliðnum sem Vítalía Lazareva sagðist hafa lagt fram kæru hjá lögreglu.

Fréttin hefur verið uppfærð.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -