Fimmtudagur 28. mars, 2024
0.8 C
Reykjavik

Vitfirrt, viðurstyggð, vanhugsað og heimskulegt

VefTv

- Auglýsing -

Hlaðvörp

- Auglýsing -

„Margt furðulegt að finna í Fréttablaðinu í dag, s.s. viðskiptamann ársins sem ekki trúir á samkeppni og svo þessa undarlegu kveðju: „Ríkisstarfsmaður: „Alveg sama hvað gengur á þá fitnar hann eins og púkinn á fjósabitanum og þarf aldrei að finna til eða sýna ábýrgð.“

Þetta segir fjölmiðlamaðurinn Egill Helgason. Textinn sem Egill vitnar til er að finna í Markaðinum, fylgiriti Fréttablaðsins undir umfjöllun um val á Viðskiptamanni ársins. Er ríkisstarfsmaðurinn sagður hafa verið einn af þeim sem komu til greina í valinu. Fjölmargir tjá sig á Facebook síðu Egils Helgasonar og þar er segir að læknar, hjúkrunarfræðingar, sjúkraflutningafólk, kennarar og annað framlínufólk fái þarna skítlegar kveðjur frá blaðinu.

Gunnar Smári Egilsson fyrrverandi ritstjóri Fréttablaðsins segir: „Þetta er fullkomlega í takt við það sem áður hefur birst í þessu blaði eftir að auðfólkið í kringum Viðreisn keypti það.“

Eiríkur Hjálmarsson upplýsingafulltrúi og fyrrverandi fjölmiðlamaður tjáir sig: „Hugsunarlaust eða vitfirrt.“ Margrét Heinreksdóttir segir skrifin viðurstyggð, vanhugsuð og heimskuleg. Páll Valsson rithöfundur og útgefandi hefir þetta að segja: „Einstaklega ósmekklegt. “

Guðmundur Andri Thorsson, rithöfundur og þingmaður Samfylkingarinnar kveðst hafa tekið eftir því að inni á blaðinu vaði uppi ungir hægri öfgamenn. Hann segir: „Ekki síst í Markaðsblaðinu. Maður er alveg hættur að nenna að opna blaðið.“

Guðmundur Andri er þá spurður nánar um hugtakið „hægri öfgar“. Þingmaðurinn svarar:

- Auglýsing -

„Átta mig ekki alveg á því hvar ég á að byrja. Til er hægri sinnað fólk sem áttar sig á því að til dæmis í kórónufaraldri þarf öfluga spítala, öflugt heilbrigðiskerfi, öflugar almannastofnanir í ríkiseigu. Hægrimenn sem skilja þetta ekki eru að mínu mati öfgasinnaðir og á valdi úreltrar kreddu um að allt skuli í einkaeigu og rekið á gróðaforsendum.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -