Lögreglu var gert viðvart um gunsamlegar mannaferðir í Háaleitishverfi í gærkvöldi. Þar gekk maður á milli bíla og reyndi að opna þá. Þegar lögregla mætti til þess að kanna málið var maðurinn hvergi sjáanlegur.
Þá barst lögreglunni tilkynning um mögulegt húsbrot í nýbyggingu í miðbænum. Lögregla handtók konu og karl í húsinu og gistu þau í fangaklefa lögreglu.
Maður, sem gekk berserksgang og var viti sínu fjær á Slysadeild, var handtekinn og vistaður bak við lás og slá vegna málsins.
Auk þess barst lögreglu önnur tilkynning frá sjúkrastofnun í Árbæjarhverfi. Þar hafði aðili horfið á braut. Hann var í slæmu ástandi og illa á sig kominn. Lögreglan hafði upp á manninum og skutlaði honum til baka á sjúkrastofnunina.
Einn ökumaður var stöðvaður í Kópavogi fyrir að aka undir áhrifum áfengis og fíkniefna.