Fréttin hefur verið uppfærð, eins og lesa má í lok hennar.
Eins og Mannlíf greindi frá í dag þá sakar sósíalistaforinginn Gunnar Smári Egilsson nýbakaðan heilbrigðisráðherra, Willum Þór Þórsson, um að hafa lekið minnisblaði Þórólfs Guðnasonar sóttvarnarlæknis, og taldi Gunnar Smári Smári þetta verða brögð sem Framsóknarflokkurinn hafi notast við með margsinnis í gegnum tíðina; sagði að þetta væri „þekkt aðferð til að færa til ábyrgð og brjóta upp slæmar fréttir.“
Einnig að „Þórólfur hafði engan hag af því að leka minnisblaðinu, aðeins Willum. Framsóknarstjórnmál snúast aldrei um innihald – nema hvað markmiðið er að auga mennina sem rændu eignum samvinnuhreyfingarinnar – en ætíð um yfirborðsmennsku.“
Willum var spurður út í málið og svaraði svona um hvernig eða hver hefði leikið minnisblaðinu:
„Ég hef ekki hugmynd. Ég skil ekki hvernig það ætti að gerast. Ég bara veit það ekki. Ég er búinn að spyrja í ráðuneytinu hvernig mögulega fór þetta út. Ég bara skil það ekki sko. En það þýðir ekkert að velta sér upp úr því núna.“
Það er því deginum ljósara að Willum lak ekki minnisblaðinu og spurning um hver ætti að hafa hag af því að leka minnisblaðinu.
Gunnar Smári fullyrti í grein Mannlífs í dag að svarið við því hver lak minnisblaðinu sé „heilbrigðisráðuneytið, líklega aðstoðarmaður ráðherra.“
Willum neitar að hafa lekið minnisblaðinu og Gunnar Smári telur líklegast að Milla Ósk Magnúsdóttir aðstoðarmaður heilbrigðisráðherra hafi leikið minnisblaðinu.
Mannlíf mun reyna að ná tali af Millu Ósk og spyrja út í hvort hún hafi leikið minnisblaðinu.
Uppfært: Mannlíf náði tali af Millu Ósk og spurði út í ásökun Gunnars Smára.
Þetta er svar hennar:
„Nei ég lak þessu minnisblaði ekki. Gunnar Smári þarf svo að svara sjálfur fyrir sinn hugarburð.“