Þriðjudagur 25. janúar, 2022
4.9 C
Reykjavik

Yfirlýsing eigenda Sólartúns: Falsfrétt frá Kristjóni Kormáki

Helgarviðtalið

- Auglýsing -

Orðrómur

- Auglýsing -

Vefmiðillinn 24.is heldur því ranglega fram í fréttaúttekt sinni í gær að Trausti Hafsteinsson, fréttastjóri Mannlífs, sé ekki lengur í hluthafahópi Sólartúns, sem gefur út Mannlíf, Vín og mat og fleiri miðla. Mikil aukning hefur verið í útgáfunni undanfarið.

„Reynir og Trausti keyptu Mannlíf í febrúar 2020 í gegnum einkahlutafélagið Sólartún. Trausti átti 25% hlut á móti 75% hlut Reynis. Í dag er Reynir Traustason einn skráður eigandi og samkvæmt heimildum 24 mun Trausti yfirgefa skútuna á nýju ári,“ segir í umfjöllun 24.is.

Þetta er ámælisverður fréttaflutningur og lýsandi fyrir óvandvirkni þeirra sem starfa á 24.is. Trausti Hafsteinsson, sem reyndar er sagður Hafliðason á einum stað í fréttinni, er eigandi að Sólartúni sem fyrr. Trausti hefur verið lykilmaður í rekstrinum frá upphafi. Engin áform eru um breytingar þar á og fréttaflutningur 24.is byggður á lygi. Auðvelt hefði verið fyrir Kristjón Kormák Guðjónsson ritstjóra eða blaðamenn hans, Tómas Valgeirsson og Arnór Stein Ívarsson að sannreyna það með því að fletta fyrirtækinu upp. Þetta er því falsfrétt.

Engin stoð er heldur fyrir því að Trausti hyggist „yfirgefa skútuna“ á nýju ári. Eignarhaldið á Sólartúni er óbreytt og ekkert sem liggur fyrir um annað en að eigendur muni áfram starfa innan fyrirtækisins.

Svo virðist sem heilaspuni ráði umfjöllun vefmiðilsins og ámælisverð blaðamennska ráði för. Óljóst er hvað vakir fyrir mönnum með þessum skrifum en rétt að taka fram að Kristjón Kormákur starfaði um tíma á Mannlífi við fréttaskrif af ýmsum toga en hvarf þaðan.

Það ætti að teljast eðlileg krafa að fréttamiðillinn leiðrétti frétt sína en miðað við vinnubrögðin er þess vart að vænta.

- Auglýsing -

 

Reykjavík 13. nóvember 2021.

Reynir Traustason, ritstjóri Mannlífs, og Trausti Hafsteinsson, fréttastjóri og útgáfustjóri Mannlífs.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -