Sunnudagur 27. nóvember, 2022
4.1 C
Reykjavik

Yfirlýsing frá Helga Jóhannessyni: „Bið þess að fyrirgefningabeiðni mín verði tekin til greina

Helgarviðtalið

- Auglýsing -

Orðrómur

- Auglýsing -

Lögmaðurinn Helgi Jóhannesson hefur verið í fréttunum nýverið vegna fortíðar sinnar; hefur verið sakaður um kynferðislega áreitni.

Helgi stígur nú fram með yfirlýsingu þar sem hann segist iðrast mjög gjörða sinna.

Yfirlýsing Helga í heild sinni

Kæru vinir.

Á liðnum dögum hefur verið hávær umræða í fjölmiðlum um óásættanlega framkomu mína, gagnvart konum, í gegnum tíðina.

Mér er ljóst að framkoma mín, orðfæri og hegðun hefur sært, móðgað og látið samferðarfólki líða illa í návist minni og á því biðst ég fyrirgefningar.

- Auglýsing -

Ásetningur minn hefur aldrei staðið til að meiða eða særa, en mér er það nú ljóst að ég hef oft og tíðum farið óvarlega í samskiptum, nokkuð sem ég hugsaði ekki út í þegar atvik áttu sér stað.

Fyrir það iðrast ég innilega.

Það er ekki af hroka eða af því ég tek umræðuna ekki alvarlega sem ég hef ekki tjáð mig opinberlega fyrr en nú. Ég geri það svo sannanlega. Ég hef hreinlega ekki treyst mér inn í umræðuna.

- Auglýsing -

Nefnd hafa verið ákveðin atvik og vafalaust hef ég með orðum eða athöfnum gerst sekur um slíkt í fleiri tilvikum. Ég ætla ekki að fara efnislega ofan í þær ásakanir sem á mig hafa verið bornar. Það hjálpar engum að deila um þær atvikalýsingar.

Ég veit að einföld afsökunarbeiðni og iðrun virðist léttvæg undankomuleið úr þeim sárindum sem ég hef valdið.

Ég hef þó ekki annað fram að færa og bið þess innilega að fyrirgefningabeiðni mín verði tekin til greina.

Ég er hvenær sem er tilbúinn til að hitta hvern þann sem ég hef misgert við með hegðun minni og ræða málið og ítreka afsökunarbeiðni augliti til auglitis.

Ég hef undanfarna mánuði verið að vinna með aðstoð fagaðila í sjálfum mér, eins og sagt er. Það er ævilangt verkefni að verða að betri manni og ég er að taka það verkefni alvarlega.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -