Þriðjudagur 19. mars, 2024
0.8 C
Reykjavik

Bakaðar sætar kartöflur sem slá alltaf í gegn

VefTv

- Auglýsing -

Hlaðvörp

- Auglýsing -

Margir segja að meðlætið sé aðalatriðið í hverri máltíð og það er ekki fjarri lagi. Þegar kemur að grillmatnum er nauðsynlegt að hafa góðar kartöflur með, hvort sem þær eru gerðar inn í ofni eða á grillinu. Þessi uppskrift er sérlega gómsætt og lyftir máltíðinni skemmtilega upp. Í raun er uppskriftin ofur einföld þótt hún taki svolítinn tíma.

 

Bakaðar sætar kartöflur með beikoni
fyrir 2-4

2 stk. sætar kartöflur
4 sneiðar beikon
1 msk. mjólk
1 dl rifinn ostur
gróft sjávarsalt
nýmalaður svartur pipar
kryddjurtir að eigin vali, ef vill

Hitið ofn í 230°C. Pikkið kartöflurnar létt með gaffli og setjið á ofnplötu. Bakið kartöflurnar þar til þær eru mjúkar í gegn, í rúmlega klst., en athugið að eldunartími fer eftir stærð kartaflnanna. Steikið beikonið og setjið til hliðar. Látið kartöflurnar kólna þannig að hægt sé að handleika þær. Skerið þær í tvennt og skafið varlega innan úr þeim án þess að skemma hýðið. Setjið kartöflumaukið í skál ásamt mjólk og rifnum osti, bragðbætið með salti og pipar. Setjið kartöflumaukið aftur í hýðið og bakið áfram í ofninum í 20-30 mín. eða þar til þær hafa tekið fallegan lit. Dreifið beikoni yfir áður en þær eru bornar fram. Einnig er gott að skreyta með söxuðum kryddjurtum að vild t.d. steinselju, basilíku eða kóríander. Endilega borðið hýðið með sætu kartöflunum, það smakkast mjög vel.

Uppskrift/Kristín Dröfn Einarsdóttir
Stílisti/Ólöf Jakobína Ernudóttir
Mynd/Hákon Davíð Björnsson

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -