Brjálæðislega góður nachos réttur

Efnisorð

Deila

- Auglýsing -

Nachos, hlaðið með góðu hráefni og bakað með nægum osti, er réttur sem slær alltaf í gegn. Hér er frábær uppskrift að nachos-rétti sem er tilvalinn fyrir matinn með ísköldum bjór en rétturinn er líka upplagður sem gott kvöldnasl yfir sjónvarpinu. 

NACHOS MEÐ BBQ-KJÚKLINGI, BAUNUM OG OSTI

6 kjúklingalæri með beini
1 tsk. salt
½ tsk. pipar
2 msk. chipotle-mauk
200 ml passata (tómatsafi)
70 g BBQ-sósa
1 poki nachos-flögur
200 g rifinn ostur, t.d. cheddar,
mozzarella eða rifinn pítsuostur
½ dós svartar baunir, vökvanum
hellt frá og skolaðar
½ dl jalapeno í krukku
½ avókadó, skorið í teninga
2 radísur, sneiddar
fersk kóríanderlauf, til skrauts

Hitið ofn í 180°C án blásturs. Þerrið kjúklingalærin og saltið þau og piprið. Hrærið saman chipotle-mauk, passata og BBQ-sósu og veltið kjúklingnum upp úr maukinu. Takið fram eldfast mót eða litla ofnskúffu og setjið kjúklinginn og sósuna ofan á. Passið að kjúklingnum sé raðað þétt saman ofan í mótinu til að forðast það að hann þorni við eldun. Lokið mótinu þétt með álpappír og eldið í miðjum ofni í 1 klst. Takið álpappírinn af og eldið í 15-20 mín. til viðbótar. Notið tvo gaffla til að rífa kjúklinginn í ræmur og veltið kjötinu upp úr sósunni. Setjið til hliðar. Smyrjið mót eða ofnplötu með bragðlausri olíu og dreifið nachos-flögum yfir mótið, setjið helminginn af kjúklingnum, baununum, jalapeno-inu, lauknum og ostinum yfir. Dreifið úr nachosflögunum og endurtakið. Bakið í miðjum ofni í 15-20 mín. eða þar til osturinn hefur bráðnað. Takið út og sáldrið avókadó, radísum og kóríanderlaufum yfir. Berið fram með guacamole, salsa-sósu, tabasco og sýrðum rjóma.

GUACAMOLE
3 stór avókadó, vel þroskuð
¼ hvítur laukur, saxaður
1 rautt chili-aldin, saxað
1 hvítlauksgeiri, rifinn með rifjárni
safi úr 1 límónu
½ tsk. salt
1 hnefafylli kóríanderlauf, söxuð

Stappið avókadó með kartöflustappara eða gaffli, blandið síðan afganginum af hráefninu saman við. Bragðbætið með meiri límónusafa og salti ef þarf.

Berið sósurnar fram til hliðar en ekki ofan á. Best er að bera flögurnar fram heitar og því passar ekki vel saman að setja kaldar sósur ofan á sem geta annars skilið sig og hitnað. Best er að bera þær fram í skálum til hliðar og leyfa gestunum sjálfum að setja þær ofan á.

Uppskrift: Nanna Teitsdóttir

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -