2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Frábær fiskisúpa í einum grænum

Við þurfum ekki að grípa í pylsur eða tilbúinn mat þótt við höfum lítinn tíma að matreiða því hægt er að gera ótal fljótlega og gómsæta rétti. Hér er uppskrift að frábærri fiskisúpu sem tekur ekki nema 20 mínútur að galdra fram

 

Fiskisúpa
fyrir 4

Fiskisúpa þarf ekki að taka langan tíma. Þessi er afar einföld og bragðgóð. Það skiptir miklu máli að vera með góðar tómatvörur.

2 msk. olía
½ laukur, saxaður
2 hvítlauksgeirar, saxaðir smátt
1 dós tómatar, í bitum
1 dós kókosmjólk, fiturík
1 dós sýrður rjómi, 18 %
2 msk. tómatmauk
1 rautt ferskt chili-aldin, fræhreinsað og skorið smátt
1 grænt ferskt chili-aldin, fræhreinsað og skorið smátt
3 msk. mangó-chutney
700 g þorskur í grófum bitum
hnefafylli kóríander, ferskt

AUGLÝSING


Hitið olíu í potti og steikið laukinn í um 3 mín. Bætið tómötunum út í, látið malla í 1 mín. og bætið svo við kókosmjólk, sýrðum rjóma og tómatmauki. Sjóðið í 2-3 mín.

Setjið næst chili-aldin, mangó-chutney og þorskinn saman við. Smakkið til með salti, pipar og chili-flögum.

Látið sjóða við vægan hita í 10-11 mín.

Berið fram með góðu súrdeigsbrauði og smjöri.

Umsjón / Bergþóra Jónsdóttir og Nanna Teitsdóttir
Stílisti / Hanna Ingibjörg Arnarsdóttir
Mynd / Hákon Davíð Björnsson

Ekki missa af þessum

Annað áhugavert efni